نكت على الماشى

واحد مسطول بيقول لصاحبة ان شاء الله نتقابل يوم الجمعة إن عشنا

فردعلية صاحبة ...ولو معشناش ...قالة يبقى نتقابل السبت
-------------------------------------------------------------------
واحد مدرس بيسأل تلميذ لما بتروح البيت بتعمل اية قالة بتغدى وأذاكر وأروح لأحمد بتاع الحشيش
وسأل تلميذ تانى وانت بتعمل اية قالة بذاكر وأروح لأحمد بتاع الحشيش
فسأل التالت وأنت قال لةبتغدى وأذاكر وأصلى وأقرأ قرآن ففرح المدرس قوى وشد على إيدة وقالة اسمك إية قالة انا أحمد بتاع الحشيش
-----------------------------------------------------------------------------------
''مهندس البترول'' يفضل الارتباط بواحدة خام


* تشكو المراة من زوجها ''وكيل النيابة'' لانه لا يسمح لها بالخروج الا بكفالة


* ''بائع الجرائد ''يعلق صورة زفافه بمشبك


* عندما يتشاجر الماذون يستعين بزوجته ويقول لها :قولى ورايا


* مؤخر صداق زوجة الجواهرجى نصف مليون جنيه غير المصنعية


* بتاع البصل لما يتخانق مع مراته يدش دماغها


* مدرس الهندسه يفضل الجبنة المثلثات


* ابن صاحب الفرن الافرنجى عندما يسأل عن أبيه يقول :بابا فينو


* تغضب المراة من زوجها بائع الاقلام الجافة لانه بيقطع


* بائع الثلج يفضل الزفاف فى الشتاء لانه بيسيح بسرعة


* البوسطجى تتم خطوبته فى ظرف سعيد وحماته تلزق فى البيت بعد زواجه


* جميع الساعات تحتاج الى ضبط الا ساعة ضابط المباحث تحتاج الى ضبط واحضار


* عندما يغضب الجزار من زوجته يعلقها من الفخدة


* بائع البرتقال يعانى من آلام السرة


* سأل مدرس النحو والصرف زوجته :ماهو النحو
والصرف فأجابت بلهفة : صرف الأموال على آى نحو (ما هو الصرف كتير يا أخويا )

هههههههههههههههههههههههههههههه
بجد حلوين قوى تسلمى ياسكرة ربنا يسعدك دايما يارب

برافو يا يمنى طالعة لأمك

واحد صعيدى واقف فى محطة الاتوبيس لقى اتوبيس مكتوب علية السيدة زينب
قلع الجزمة وركب

برضة حلوين قوى ياسكرة زى السكر زى ماما الامورة تسلمى ياقمر

هههههههههههههههههههههههههههه
مش قادرين على سونسن
كمان ايمى
ربنا يخليكو ياااارب ومنتحرمش منكم ابدااااااا
ايمى ميزو شاف النكته ديه

''مهندس البترول'' يفضل الارتباط بواحدة خام
ههههههههههههه