قلقتوني عليكم

السلام عليكم يااحلى هوانم

فينكم قلقتوني عليكم خالص مش بتدخلوا بقالكم يومين اهو طنط اميرة وسونسن وسحر
وحشتوي والله حتى اطمن عليكم

حبيبتى يا أمانى
والله غصب عنى خااااالص ..... فيه واحده قريبة جوزى من محافظة البحيره نزلت مصر تعمل عملية حقن مجهرى وخرجت من المستشفى على عندنا لانها لازم تنام على ضهرها
وماينفعش انها تعمل العمليه وترجع بلدها علطول
ومش لاقيه فرصه خاااااااالص افتح الكمبيوتر
ويادوب امبارح بس دخلت شات الجدات وانهارده دخلت أطمن عليكى

يارب يا حبيبتى تكونى بخير وبالله عليكى تكتبى لى وتطمنينى اخبارك ايه
اما طنط اميره فكانت مسافره المنصوره
سلميلى على ايمان كتير وطمنينى ضرورى يا امانى

سونسن كتب:حبيبتى يا أمانى
والله غصب عنى خااااالص ..... فيه واحده قريبة جوزى من محافظة البحيره نزلت مصر تعمل عملية حقن مجهرى وخرجت من المستشفى على عندنا لانها لازم تنام على ضهرها
وماينفعش انها تعمل العمليه وترجع بلدها علطول
ومش لاقيه فرصه خاااااااالص افتح الكمبيوتر
ويادوب امبارح بس دخلت شات الجدات وانهارده دخلت أطمن عليكى

يارب يا حبيبتى تكونى بخير وبالله عليكى تكتبى لى وتطمنينى اخبارك ايه
اما طنط اميره فكانت مسافره المنصوره
سلميلى على ايمان كتير وطمنينى ضرورى يا امانى

لا الف سلامة عليها وربنا يقومها بالسلامة ويرزقها الذرية الصالحة
بجد وححشتيني ياطنط وربنا يكون في عونك لو عايزة اي مساعده انا تحت امرك بجد مش كلام
انا بخير الحمد لله رب العالمين وايمان بخير كنت لسه معاها وبخير الحمد لله
بس ايديا بتنمل كتير مش عارفه ليه والدكتورة ادتني حقن تاني قالتلي علشان نقص فيتامين

ويارب تفضلي منورة دايما يااارب وتدخليلنا بسرعه وتنوري المنتدى كله
وطنط اميرة ربا يرجعها بالسلامة وتنورنا تاني يارب

ياحبيبتى يا أمانى وحشتينى قوى قوى كنت مسافرة بحضر فرح فى المنصورة عقبال السبوع بتاعك ياقمر لما تقومى بالف سلامة سلامة ايدك من فضلك كلى كويس يا امانى واشربى لبن وكلى بيض وسمك عشان الواد يطلع صحتة حلوة ومتتعبش ياحبيبتى ربنا يكمل لك على خير سلمى على ايمان كتير وكل سنة وانتى وزوجك بالف خير والواد العكرووووت

الاميرة كتب:ياحبيبتى يا أمانى وحشتينى قوى قوى كنت مسافرة بحضر فرح فى المنصورة عقبال السبوع بتاعك ياقمر لما تقومى بالف سلامة سلامة ايدك من فضلك كلى كويس يا امانى واشربى لبن وكلى بيض وسمك عشان الواد يطلع صحتة حلوة ومتتعبش ياحبيبتى ربنا يكمل لك على خير سلمى على ايمان كتير وكل سنة وانتى وزوجك بالف خير والواد العكرووووت

الف حمد الله على سلامتك ونورتي المنتدى كلة من تاني

الله يسلمك ياطنط باكل اهو الحمد لله ويارب يكون طفل سليم معافى
ربنا يخليكي ومايحرمنيش من دعواتك
وايمان بخير الحمد لله رب العالمين
وكل سنة وحضرتك طيبة وربنا يبلغنا مضان على خير يارب ويبارك لنا في شعبان

أمانى حبيبتى ازيك يا جميييييييييييييل
ايه اخبار البيبى يارب تكونى بخير وفى احسن حال
التنميل يا مانى سببه نقص فيتامين ب كله ومركباته وفعلا الحقن مفيده وبالشفاء والصحه ان شاء الله
ربنا يطمنا عليكى يا حبيبة قلبى
والله وحشانى جدا يا ايمى

صباح الخير يا امانى ازيك ياقمر انتى فين مستخبية اسمعى نصيحة طنط سونسن عشان الواد العكروت سلامنا الى ايمان

امانى انتى فين
كده انتى اللى قلقتينى عليكى قوى
بقالى يومين بدخل ومش موجوده
يارب يكون خير يا ايمى
طمنينى ضرورى

أمانى حرام عليكى طمنينى
انتى فين يابنتى
يارب يكون المانع خير

ايوة صحيح انتى فين ياقمر طمنيناعليكى ياحبيبتى يارب المانع خير ان شاء الله

صباح الخير يا امانى انتى فين ياقمر يمكن تكونى فى المصيف يارب رجاء طمنينا عليكى يا حبيبتى

معقول يا امانى الغيبه دى كلها
يارب تكونى بخير يارب

انا اسفه والله اني قلقتكم كده حقكم عليا يااغلى ناس على قلبي
النت قطع خالص ومكنتش عارفه ادخل ابدااا الفترة اللي فاتت دي وكنت حاسة اني معزولة عن العالم

انا بخير الحمد لله ماتقلقوش المهم انتم تكونو بكل خير وصحة وسلامة واطمن عليكم دايما
والنونة بخير الحمد لله
بس مطحونة تنضيف في الشقة على قد ماااقدر ادعولي اخلص تنضيف بقى نفسي انجز
وانا اسفة مرة تانيه على قلقكم وربنا مايحرمنيش من سؤالكم عليا ابدا والله فرحت اوي بسؤالكم عليا ربنا يخليكم ليا ياااااااارب

الحمد لله يا ايمى انك بخير انتى والنونو بس متجهديش نفسك اعملى شغل البيت على مراحل ومش مشكله فى فتره الحمل يبقى كله تمام
انتى ليكى عذرك يا امانى انشالله التنضيف ياخد منك اسبوع مش مشكله
اهتمى بنفسك قوى ارتاحى واتغذى كويس
وربنا يتمم حملك على خير
اللهم آمين

عوزاكى يا ايمى تدخلى من حين للآخر تطمنينى عليكى انا وطنط اميره
ومتغيبيش علينا

ياه يا امانى الحمد الله اطمناعليكى ياحبيبتى ربنا يكمل على خير ياحبيبتى بلاش اجهاد كل حاجة على راحتها قوى ياقمر الدنيا مش حتجرى خلى بالك من صحتك قوى ومن النونو ربنا يكرمك يارب ودائما تطمنينا عليكى

ها يا أمانى ايه الاخبار
طمنينى عليكى يا قمر وعلى النونو
ان شاء الله تكونوا بخير
كل سنه وانتى طيبه

صباح الفل كل سنة وانتى طيبة يا امانى والسنة الجاية يكون النونوكبر وملا الدنيا ربنا يعودة عليكى بالخير سلمى على ايمان

ربنا يخليكو ليا يااااارب والله لسه مرجعين النت ولسه داخلة قلت اول حاجه اسلم عليكو واقولكم كل سنة وانتو بخير ياااااااااااارب العالمين واسفه اوي اني غبت عليكم كتير بجد وحشتوني اوووووي وكنت محتجالكم اوووي

انا بخير الحمد لله وبحاول مش اتعب نفسي علشان تعبت فسي في التنضيف وتعبت فعلا بعدها شوية لك دلوقتي بقيت كويسة الحمد لله رب العالمين

الحمد الله يا امانى اطمناعليكى يا حبيبتى على فكرة طنط سونسن مش بتدخل عشان معتز ابنها بكرة الخطوبة بتاعتة وهى مشغولة معاة ربنا يكمل على خير وعقبال ما نطمن عليكى ياقمر

الاميرة كتب:الحمد الله يا امانى اطمناعليكى يا حبيبتى على فكرة طنط سونسن مش بتدخل عشان معتز ابنها بكرة الخطوبة بتاعتة وهى مشغولة معاة ربنا يكمل على خير وعقبال ما نطمن عليكى ياقمر

طب الحمد لله طمنتيني
والف مبروك لمعتز وربنا يتممله على خير ياااارب
اننا عارفه انكم مشغولين في رمضان ربنا يكون في عونكم
بس ابقو نوروني في موضوع رمضان في المناسبات كده

احنا عمرنا ما ننشغل عنك ابدا وكل ما الظروف تسمح بندخل نطمن عليكى يا حبيبتى كل سنة وانتى طيبة

الاميرة كتب:احنا عمرنا ما ننشغل عنك ابدا وكل ما الظروف تسمح بندخل نطمن عليكى يا حبيبتى كل سنة وانتى طيبة

ربنا يخليكي ياطنط ومايحرمنيش منكم وكل سنة وحضرتك بصحة وسلامة

الله يبارك فيكى يا أمانى
بس انتى كده اللى قلقتينى عليكى
انتى فين من زمااااااااااااان
قولى اى حاجه بس نطمن يا ايمى
يارب تكونى بخيريارب

ازيك يا امانى اخبار القطايف والكنافة اية معاكى واخبار النونو اية واية اخر الاخبار بنوتة حلوة زى تيتة ولاولد زى ابوة عموما كل اللى يجيبوة ربنا كويس وحشانا قوى