ادمس الفول ازاي؟

السلام عليكم يااحلى هوانم

ياريت تفكروني بخبراتكم الججميلة بطريقة تدميس الفول علشان نسيتها

يا سلام يا امانى على جمال الفول المدمس البيتى
شوفى يا ستى لو عندك حله برستو يبقى خير وبركه ولو مفيش مش مشكله ممكن فى دماسه او حله عاديه بس بلاش الصاج والاستانلس
خلينا فى الومنيوم
اولا تنقى الفول من القش والطيبنه وبعدين اغسليه وانقعيه فى ماء لمده اربع ساعات
ثم نقيه مره اخرى ولكن علشان تشيلى الفوله اللى فيها نقطه سوداء لانها بتكون مسوسه من الداخل غالبا
وبعد كده حطى الفول فى ماء كافى ومعه ملعقتين رز وملعقتين عدس وملعقة صلصة طماطم وبصله مقطعه ترنشات و2 ليمونه مقطعه نصفين ولو موجود عندك جزره مبشوره اوكى لو مفيش مش مهم
اهم حاجه المتابعه لو فى البرستو يبقى ساعتين ويبقى تمام ولو فى دماسه عاديه يبقى تتابعى تزويد الميه (لازم تكون مغليه مش مايه ساقعه ) قبل الفول ما ينشف ويلزق فى القعر
وبعد ما الفول يستوى اوعى يا امانى تنسى








اوعى تنسى









اوعى تنسى تشيلى لطنط سناء طبق

ههههههههههههههههههههههههههههههه

بالهنا والصحه والعافيه وكل سنه وانتى طيبه

على فكره يا امانى جوزى جابلى الطريقه دى من مهندس كان معاه فى الشغل وكان اخوه عنده محل فول وطعميه مشهور فى اسكندريه

ياسلام وانا كمان عايزة طبق رمضان على الابواب ويحب الفول المدمس البيتى يلا يا امانى شدى حيلك

هههههههههههههه
شفتى يا أمانى آدى طنط أميره طمعانه فى طبق فول
الحقى اعمليه بسرعه وخبيه قبل الجيران مايشموا ريحته وتلاقى نفسك وزعتيه عليهم
هههههههههه
بألف هنا يا ايمى

واااااااااو دي طريقه روووووعة فتحت نفسي اوي على التدميس واكل الفووول
المشكلة اني بنسى موضوع التنقية ده احم احم احراج اوي

ومن غير ماتقولو اول ناس معزومين على احلى طبق فول ان شاء الله كفايه المعلومات القيمة دي كلها بس يارب يطلع حلو كده
ولو ان انتم مش مقامكم عزومة فول ابدااااااا انتم مقامكم عزومة كباب ديك رومي حاجه عليها القيمة كده لاحلى هوانم

بجد متشكرة اوي ياطنط سونسن وربنا مايحرمنيش من وصفاتك الحلوة دي ادعيلي بقى ابقى شاطرة وسريعه في الطبيخ ونفسي حلو والتنضيف بالمرة

ربنا يكرمك يا امانى يارب احنا كفايه عليناكرم اخلاقك يا غاليه
وحدعيلك يبقى نفسك حلو فى الاكل والتنضيف هههههههههههه
بس بعد ما تقومى بالسلامه ان شاء الله
ابقى طمنينا عليكى يايمى باستمرار