طرق تخزين الخضاروالفاكهةفى الفريزر

اولا الفاصوليا الخضراء -تغسل الفاصوليا وتقطع ثم توضع فى ماء مغلى لمدة خمس دقائق مع إضافة ملعقة صغيرة بيكربونات الصودا
ثم تصفى من الماء ولما تبرد تعبأ فى اكياس وتوضع فى الفريزر
طريقة اخرى --قبل وضع الفاصوليا فى الماء قلبى عليها البيكربوناتولما الماء يغلى ضعى الفاصوليا تغلى لمدة دقيقة واحدة ثم صفيها واتركيها تبرد واحفظيها
---------------------------------------------------
ثانيا --السبانخ--جهزى السبانخ عادى وحطيها على النار مباشرة مع كوبين ماء وقلبى حتى تذبل فقط مش كتير علشان متتهريش
صفيها فى مصفى حتى تتخلص من الماء واحفظيها
-------------------------------------------------------
ثالثا ً-- البسله -خلو بالكم من حاجة مهمة قوى البسله لازم تحفظيها فى شهر يناير او فبراير متستنيش لما الحر ييجى وتبقى مجرمزة
الطريقة الاولى ودى احسن هى انك تشوحيها مع ملعقة زيت وبصلة مفرومة صغيرة لمدة خمس دقائق ثم تتركيها تبرد
الطريقة الثانية مثل الفاصوليا تضعيها على ماء مغلى على النار لمدى دقيقتين فقط مع اضافة ملعقة صغيرة كربوناتو (بيكربونات الصوديوم )
وتتصفى وتحفظ فى اكياس

الملوخية--- بعد فصل الاوراق عن العيدان اغسليها كويس قوى واغليها فى كمية ماء مع اضافة ملعقة ملح وملعقة سكر لمدى دقيقتين فقط
صفيها وشيليها فى اكياس ولما تحتاجيها اضربيها فى الخلاط مع الشوربة وهى ساخنة لكن خلى بالك خليها مكسرة مش ناعمة وكأنك خرطيها بمخرطة

طريقة اخرى لحفظ الملوخية
ممكن تطبخيها عادى خالص بس متكتريش الشوربة وحطيها مركزة فى اكياس ولما تحتاجيها زودى الشوربة
الطريقة دى بتعملها اختى علطول بس بصراحة انا مجربتهاش

البامية --خلو بالكم بردو ان البامية بيكون فيها دود فى آخر الموسم فحاولى انك تحفظيها بدرى
الطريقة-- حطى الماء على النار وانتظرى حتى الغليان وضعى فى الماء قليل من الملح ونقطتين ليمون وذرة بسيطة بيكربونات
ثم ضعى البامية تغلى دقيقة واحدة بس
وعلى فكرة لازم الميه تكون زيادة شوية يعنى مش قليلة ودة فى كل الخضروات
بعد كدة صفيها واحفظيها

طريقة تخزين الكرنب وورق العنب -----
اولا الكرنب --قطعى الكرنب عادى ورصية فى حلة دة طبعا بعد ما تشيلى القطع التخينة وضيفى ماء مغلى وعلية شوية ملح وكمون صغيرين قوى يعنى نص ملعقة وغطى الحلة كويس لمدة عشر دقائق خلى بالك كل دة وهو بعيد عن النار علشان ميتهريش
بعد عشر دقائق حطى ماء بارد علية وصفية كويس وقطعية فطع صغيرة فى قالب فوم علشان يبقى مرصوص كويس وسهل عليكى عند الاستعمال
ورق العنب --- اغسلية من التراب كويس وبعيدانة حطية لمدة ثوانى فى ماء مغلى
حطى حبة حبة
مش ورق العنب كله دفعة واحدة وشيلية بسرعة على مصفى وحطى علية ماء بارد
فية طريقة اخرى هى وضعة كما هو فى الفريزر
فية طريقة ثالثة هى وضعة ورقة ورقة فة زجاجات البيبسى والمياة المعدنية بس لازم تكون ناشفة قوى وبعد ما تتملى الزجاجة اقفلى عليها كويس واتركيها فى باب التلاجة او خارجها

بالنسبة للفاكهة المانجو يوضع كماهو فى الفريزر وعندما تريدى اخراجة من التلاجة ضعية فى ماء مغلى لمدة ثوانى معدودة هتلاقى القشرة الخارجية فصلت تماما عن المانجو قشريها وكحتي المانجو بالسكين

الجوافة كما هى بعد غسلها طبعا وتقطيعها شرايح

الخوخ انزعى البزر وضعية كما هو

المشمش يوضع فى ماء مغلى ثوانى ثم يوضع بسرعة فى ماء بة ثلج وتنزع القشرة والبذور ويعبأ فى اكياس ويحفظ