لو محتارة الأكل المتبقى تعالى أقولك كام فكرة

اذهب الى الأسفل

لو محتارة الأكل المتبقى تعالى أقولك كام فكرة

مُساهمة من طرف زهرة الفل في الإثنين نوفمبر 08, 2010 10:56 pm



طبعاً كل ربات البيوت بيعانوا من مشكلة كبيرة إسمها الأكل البايت
يعنى الأكل الفائض من الوجبات إلى ما يكفيش لليوم التالى و فى نفس الوقت حرام يترمى
وحتى و إن كان كافى فإن هناك الكثير من الأزواج و الأبناء يرفضون بإصرار الأكل البايت

أنا عندى بعض الأفكار و ياريت لو فيه حد عنده أفكار أخرى يقولنا لأن الموضوع ده أكيد بيهم الكثيرات

كفتة الفراخ

المقادير
حولى نصف أو ثلث فرخة مسلوقة و لو كانت مطبوخة فى صلصة أو رز مثلاً تغسل و تجفف و تقطع قطع صغيرة
حبة بطاطس كبيرة مسلوقة
بصلة
5 فصوص ثوم
حزمة بقدونس
بيضتين
ملح - فلفل
بقسماط
زيت للقلى

الطريقة
1 - تخلط جميع المقادير معاً جيداً فى الكبة أو ماكينة الفرم
2 - نبلل يدينا ببعض الماء حتى لا تلتصق بها العجينة و نأخذ منها و نشكلها أقراص
3 - نضع الأقراص فى البقسماط بدون بيض لأن الكفتة بها بيض ثم نقليها و تقدم مع المكرونة أو نعمل منها سندوتشات مع البطاطس المحمرة و المخلل





السمك المشوى
فكرتى هاتعملى إيه فى السمك المشوى المتبقى
أقولك طريقة لتسخينى ليصبح كأنه لسه جاى من الفرن

رصى السمك فى صينية (لا تضعيه فوق بعضه)
فى كوب ضعى نصف كوب ماء + عصير ليمونة+ ملح + فلفل + شطة
ضعى هذا الخليط فى قاع الصينية بحيث قفط يلامس القشرة السفلى من السمك
ادخلى الصينية الفرن و بعد عشر دقائق إقلبى السمك على الوجه الآخر و أعيديه فى الفرن خمس دقائق إخرى و صدقينى ستدهشك النتيجة



السمك المقلى
و هو بالنسبة لى مشكلة المشاكل لأنه لا يؤكل بارداً كما إنه لو سخناه يصبح سىء الطعم جداً
يمكن ببساطة أن يتحول إلى صنف آخر جديد و لذيذ بإحدى الطرق الآتية
1 - يوضع فى صلصة خل و ثوم ساخنة
( ثوم + فلفل حامى مفرومين يتحمروا فى الزيث ثم يضاف الخل و يغلى قليلااً)
2 - نضعه فى صينية السمك بال****برة (فى ملف السى فود )



بالنسبة للأرز فالكثيرات منا لا يعمن أن تسخينه بالطريقة الصحيحة يجعله كأنه مطبوخ تواً
طلعى الرز من الثلاجة من الصباح و قبل موعد الغداء بساعة ضعيه على نار هادئة جداً جداً و بعد نصف ساعة ضعى عليه حوالى ربع كوب ماء و اتركيه نصف ساعة أخرى
و هناك طرق أخرى للإستفادة من الرز الأبيض كطريقة الرز بالبشاميل فى ملف الرز و ممكن إضافة الخضر السويه النص سوى و تسخينها معه بالطريقة السابقة
كما يمكن إستخدامه فى إعداد أطباق الفتة المتنوعة

أتمنى أن أكون قد قدمت بعض الحلول المناسبة للرز




طيب تعملي اية يا حلوة انتي وهية لو حتعملي محشي كوسة وفرغتي قلب الكوسة يا عيني عليها اهيء اهيء
حتعملي اية بقلبها حترمية لالالالالالالالالالالالا حرام نعمة ربنا والله ربنا يوديكي النار

بصي بقي هاتي الاتي :-
قلب الكوسة -- ملعقة صلصة طماطم -- كوب ماء او شوربة حسب كمية قلب الكوسة عندك ممكن اقل من كوب بكتير -- ملعقة زيت زيتون --- شطة -- بهارات--ملح- بصلة متوسطة مفرومة -- ملعقة كبيرة ارز مطبوخ( ممكن الاستغناء عنة)

هاتي البصلة وحطيها مع الزيت لحين تصفر -- وحطي عليها ملعقة الصلصة والبهارات والشطة لتتسبك قليلا --- ثم ضعي قليل من الماء او الشوربة وضعي القلب الكوسة واتركيها تستوي وتتسبك وهنا ممكن ان تضعي معها الارز او لا حسب رغبتك
تكل مع العيش كطبق جانب تجنن
اتمني تعجبكم



عندي فكره حلوه لبواقي الفراخ والجبنه الرومي
الفراخ المسلوقه نفتتهاونقطع معاها فلفل اخضر وطماطم وزيتون اخضر
وفي الخلاط نضرب 2 بيضه و2/1 1 كوب لبن
ومعاهم جبنه موتزاريلا والجبنه الرومي الناشفه
وفي صينيه مدهونه زبده نحط عليها عجينة الباف باستري
ونحط الفراخ والفلفل والطماطم وعليهم اللبن والبيض والجبنه
ونخبزها في الفرن وتطلع احلى بيتزا
وممكن تتحط فيها كل البواقي اللي عندك
وياريت تجربوها




إذا زاد لديك لحمة بصحن أو لحمة بالصينية أو كباب أو أقراص لحمة (هامبورجر)
تعمليها كذا:
تفرمي 2 بصلة و تقلينها بالزبدة أو الزيت ثم تقلي معها 2 فص ثوم و علبة
أو اثنتين فطر (و من الممكن خضار مقطعة صغيرا جدا لو أحببت كالبروكلي و الكوسا)
و تفرمي فوقهم فليفلة خضراء و تقليهم على نار هادئة فترة 1/4 ساعة أو حتى النضج
ثم تقطعي اللحمة الموجودة عندك قطع صغيرة و تقلبيها معهم ثم تضعي فوقهم 2 علبة طماطم مقطعة مع عصيرها (أو 2 طماطم مفرومة و 2 ملعقة صلصة طماطم) و تتركينها حتى الغليان و تضيفي مكعب ماجي و (ممكن إضافة 1 ك مرقة دجاج) و تضعي فلفل و بهارات
و تقلبي جيدا حتى يثخن ثم تطفئي النار (و ترشي الجبن المبشور بعد ذلك كالموزاريلا أو التشيدر
حسب الرغبة) وتقلبي حتى يذوب الجبن و تضعينها كصلصة فوق المعكرونة المسلوقة




الخبز
نعانى جميعاً من بقايا الخبز الجاف و الفتافيت المتبقية من الساندويتشات و أكل الأطفال
جمعى كل بواقى الخبز ( الصامولى - الفرنسى - الفينو - التوست أو أى خبز له لب)
جمعيه فى الفريزر إلى أن تتكون عندك كمية معقولة
****ريها و ضعيها فى صينية و ضعيها فى الفرن إلى أن تتحمص و تجف تماماً و لكن دون أن تحترق
و عندما تبرد ضعيها فى المطحنة و أفرميها ناعماً أو دقيها فى الهاوند و بذلك يكون عندك بقسماط ممتاز صالح لجميع أغراض القلى و خلافه


_________________
avatar
زهرة الفل
المديرة التنفيذية
المديرة التنفيذية

انثى عدد المساهمات : 1038
نقاط : 4706
تاريخ التسجيل : 26/07/2010

الرجوع الى أعلى الصفحة اذهب الى الأسفل

رد: لو محتارة الأكل المتبقى تعالى أقولك كام فكرة

مُساهمة من طرف البرنسيسة في الأحد نوفمبر 28, 2010 2:07 am

تسلم ياجميل
ايه الأفكار الحلوة ديه
ربنا يخليكى يارب
avatar
البرنسيسة
المديرة التنفيذية
المديرة التنفيذية

عدد المساهمات : 1184
نقاط : 4473
تاريخ التسجيل : 26/07/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى