عطر لدولابك بالصابون والمسك

الطريقه ديه انابعملها من زمان
وحبيت اقولكم عليها

نعطر الدولاب والهدوم ونزينه وكمان ننشف الصابون
عشان مش يدوب فى الحمام ويتهرى بسرعة


اول ما تشترى الصابون بتاعك النوع والريحة اللى بتحبيها افتحيه كله وشيلى الورق بتاعه ياريت يبقى كمية يعنى كذا واحدة
وافتحى دولابك وتعالى فى كل رف حطى صابون بين الهدوم مش على الهدوم وخاصة السوداء
وعلى حرف الرف بتاع الدولاب
وتحت الشماعات كمان اللى يعجبك
كده هتلاقى الهدوم ريحتها حلوة وكمان شكل الوان الصابون جوه الدولاب جميلة
والصابون هينشف لما تيجى تستعمليه بعدها فى الحمام مش هيتهرى بسهولة والصابونة هتفضل للاخر ناشفة
من زمان بعمل الطريقة دى ولغاية دلوقتى وبطلع الهدوم ريحتها حلوة دايما من الدولاب
وكمان ممكن تجيبى مكعبات مسك وتنثريها بشكل عشوائى فى ادارج الشرابات او الهدوم الداخلية او قمصان النوم وشوفى بقى ريحتهم هتبقى ازاى :


ملحوظة: بلاش تحطى صابون على الهدوم السودا عشان ممكن يعلم زى الطباشير كده هو بيطلع بسهولة لو مسحتيه بايدك بس يعنى حبيت اقولكوا