حب واعتزاز .. وحريقه وابور الجاز

حب واعتزاز .. وحريقه وابور الجاز
==============
اجمل قصه حب
ايه الحكايه .. هاكتب روايه .. بابكي وخايف عيون الناس تبكي معايا .. الأب مات وساب اسره مش لاقيه الفتات .. ام وثلاثه بنات .. تعالي وشوف اروع قصص اثبات الذات .. مصد دخلهم متلاقيش .. لاثروه عندهم او طين .. وربك هو الرزاق المعين .. معروفين بالأخلاق لكل الجيره .. في اجازه الثانوي .. نزلت تشتغل البنت الكبيره .. مصنع ملابس شويه بعيد .. هاتجيب قرشين واهو جاي العيد .. وبالقليل الكل عايش سعيد .. يوم قبض الماهيه .. فرحانه وراجعه مبتسمه وراكبه العربيه .. علي خجل .. عايزه تروح بسرعه علي عجل .. البنت متربيه .. تشوفها يدخل قلبك السرور .. امها في البيت بتقلي بطاطس ع الوابور .. خدي يا امي ده كل اللي معايا .. يحميكي ربنا وينصرك يا ضنايا .. صلي العصر وتعالي اتغدي معايا .. حاضر بصوت عصفور .. بتصلي انفجر في امها الوابور .. وقالت الحقوني .. بسرعه حضنت امها وده شيئ جنوني .. فداكي يا امي ومن عيوني .. فزع من اختها الشقيقه .. اهل الخير قضوا ع الحريقه .. ماتت البنت بأجمل طريقه .. وامها كانت حروقها سطحيه .. القصه عن جد حقيقيه .. ونعم حقيقي التربيه

يا ضنايا ابكي عليكي كل يوم .. مين يعرف بعدك نوم
يابنتي لمين سايباني ... الأرض مش شايلاني
عقلي طــار .. ومين يطفي قلبي اللي قايد نار


زجل عجبنى نقلتة لكم

والله زجل ممتاز ياسونسن ياحبيبتى رغم إنه حزين شوية تسلمى ياقمر

الله عليكى ياسونسن
تسلمى ياحبيبتى