ليه أتوب أصلاً؟

من طرف **زهرة الفل** السبت أكتوبر 09, 2010 7:13 am

ليه أتوب أصلاً؟
أنا كدا عايش حياتى وكله بيس وأشطة وزى اللوز

اتعب نفسى لية بئى انا بالصوم واقيد نفسى بالصلاة 5 مرااااااااااااات فى اليوم
وأنا البس واسع واتحرم من متعة سماع كلام المعا****ات الجميلة ونظرة الشباب بلهفه عليا
واخفاء جمالى وانوثتى عن عيون الشباب والبنات ربنا خلقنى جميلة لازم اتمتع بجمالى واتباهى بيه
اية اللى يخليني ادارى جمالى ورا خيمة ولبس واسع
اية اللى يخليني ابطل سجاير او حشيش دى احلى دماغ ومتعة ف الدنيا
ايه يخلينى ابطل كلام مع البنات ومعا****ات وفرجة على افلام اباحيه
اية يخليني ابعد عن اللى بحبها ومقدرش امسك ايدها ولا اشوفها
دى الحياة جميلة وانا (عايش حياتى ومستمتع بيها)

انتم خليتوا كل حاجة حرام وعيشتنا كلها بقت حرام
انا عايز استمتع بحياتى واعيشها

والله يا شباب الاسباب اننا نتوب كتيرة اوى

- اولاً
لأن إصلا ربنا خلقك عشان تعبده
شوفوا ربنا عز وجل بيقول ايه
{ وما خلقت الجنّ والإنس إلا ليعبدون} [الذاريات: 56]
ومقالش إلا ليلعبون او يتمتعون او يفسدون فى الأرض (العبادة فى المقام الأول)
دا الهدف من ان ربنا خلقنا عشان نعبده وهو غنى عن عبادتنا
بس مش معنى كدا اننا ننسى نفسنا الدنيا ممكن نتمتع بيها
بس فية فرق بين المتعه الصح والمتعة الغلط (الحرام)
ومش معنى انك ملتزم ان الطريق الصح مفيهوش سعادة (محمود العسيلى )

-ثانيا
لأن دى أوامر من الله عز وجل (طاعة لله)
اللى خلقك وخلق الأرض والسما وخلقلك كل النعم اللى بتعصاه بيها
{ وتوبوا الى الله جميعا أيها المؤمنون لعلكم تفلحون} [النور: 31]
{ يا أيها الذين آمنوا توبوا الى الله توبة نصوحا} [ التحريم: 8]

-ثالثا
عشان تعيش سعيد وتلاقى الخير مش بس ف الاخرة وكمان فى الدنيا
(الطريق الصح فيه سعادة فى الدنيا والاخره)
{ وتوبوا الى الله جميعا أيها المؤمنون لعلكم تفلحون}
ولما تبحث فى تفسير الايه الكريمة هتلاقى الفلاح يقصد به فلاحين
فلاح الاخرة وكماان فلاح الدنيا يعنى الطريق الصح فيه سعادة

وَمَن يَتَّقِ اللَّهَ يَجْعَل لَّهُ مَخْرَجاً }
ودا التفسير الميسر للأيه الكريمة بالنص :
ومن يخف الله فيعمل بما أمره به, ويجتنب ما نهاه عنه, يجعل له مخرجًا من كل ضيق

وَمَن يَتَّقِ اللَّهَ يَجْعَل لَّهُ مِنْ أَمْرِهِ يُسْراً
ودا التفسير الميسر للأيه الكريمة بالنص :
ومن يَخَفِ الله, فينفذ أحكامه, يجعل له من أمره يسرًا في الدنيا والآخرة

وَأَنِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُمَتِّعْكُم مَّتَاعاً حَسَناً إِلَى أَجَلٍ مُّسَمًّى
ودا التفسير الميسر للأيه الكريمة بالنص :
واسألوه أن يغفر لكم ذنوبكم, ثم ارجعوا إليه نادمين يمتعْكم في دنياكم متاعًا حسنًا بالحياة الطيبة فيها, إلى أن يحين أجلكم,

وَمَن يَتَّقِ اللَّهَ يَجْعَل لَّهُ مَخْرَجاً
ومن يخف الله فيعمل بما أمره به, ويجتنب ما نهاه عنه, يجعل له مخرجًا من كل ضيق (شيق الدنيا والاخره)

طبعا انا عملت كوبى للتفسير ادامكم ومجبتش حاجة من عندى
دا عشان تصدقوا ان الطريق الصح والتوبة فيها سعادة ومتعة فى الدنيا والاخرة
وفيه ايات كتير جدا واحاديث بس هنكتفى بالقدر دا عشان منطولش المهم ان الفكرة وصلت

-رابعاً
عشان تنجو من عذاب القبر وعذاب النار ومن اهوال يوم المحشر ويوم القيامة
وعشان ننجو من عذاب الدنيا كمان

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى }
التفسير
ومن تولَّى عن ذكري الذي أذكِّره به فإن له في الحياة الأولى معيشة ضيِّقة شاقة -وإن ظهر أنه من أهل الفضل واليسار، ويُضيَّق قبره عليه ويعذَّب فيه، ونحشره يوم القيامة أعمى عن الرؤية وعن الحجة
يعنى كل واحد مننا بيكون عيشتة صعبة ومش حلوة حتى لو كان غنى ومعاه فلوس فربنا ممكن ياخد منه راحة البال
او الصحة او يبتلية بمشكلة كبيرة جدا يتمنى ان المال كلة يروح فى سبيل انة يرتاح منها

عذاب القبر وعذاب النار بشكل عام سبب عذابهم هو المعاقبة على المعاص اللى ارتكبتها

واللى بينجيك منها هو الصالحات اللى عملتها بتدافع عنك وتنجيك من عذاب القبر واهوال يوم القيامة

والوقوف فى المحشر وعذاب النار

اعمالك الصالحة (وضوئك وصلاتك وصيامك وزكاتك وصدقاتك الجارية وغض بصرك وقرائتك القران وذكرك لله وتسبيحك ...)
كل اعمالك الكويسة بتدافع عنك وانت فى القبر من النار والعذاب وبتنجيك من عذاب النار واهوال يوم القيامة

اسمعوا دروس عن عذاب القبر وهتعرفوا

سر جديد >
غير فكرتك دلوقتى

كتير مننا يا شباب اتعود على الذنوب لانها بقت ظاهرة مباحة فى عصرنا
بنشوفها فى الشوارع وفى التلفزيون وفعلها سهل ومفيش عقاب عليه
واهالينا مربوناش تربية سليمة وللأسف مش يكتفوا بكدا
لا كمان لما بيشوفونا بنعمل غلط بيسكتوا علينا
والأكبر من كدا انهم ساعات بيعينونا عليه
لان مفاهيمنا اتغيرت وبعيدنا عن دينا وتعاليمه وبقت تحكمنا
ما تسمى بالعادات والتقاليد !

تربية الأهل من صغرنا معظمنا امنا وابونا معودوناش ع الصلاة
او يهتموا شوية ولما نكبر شوية خلاص ولا بيهتموا ويقولوا سيبوا الواد او البت يعيشوا حياتهم

امى معودتنش البس الحجاب لان الحجاب أمر من الله ولأن انا غالية مش رخيصة عشان اى حد
يشوف جسمى وشعرى وان دا حفظ من ربنا وتكريم ليكي مش موجود فى اى ديت تانى

اعظم دين كرم وحفظ المرأة هو الإسلام واللى قارئ فى الاسلام كويس هيعرف
ربنا للى خلقك وادرى بمصلحتك أمرك بشئ هو خير ليكي ف الدنيا والاخرة

صلاتك وحجابك وحيائك
حياء البنات اللى ضاع وراح وبقينا نشوف الهزار بلا حدود
اعظم حاجة فى البنت حيائها

وللأسف ربنا كرمنا وادانا النعم دى وخلقنا على الاسلام
واحنا مصرين نخالف اوامر

كأننا بنقول انا عايز اخش النار انا عايز اخش النار انا عايز اخش النار
انا عايز اعيش عيشة وحشة انا عايز اعيش وحشة انا عايز اعيش عيشة وحشة

الانسان كائن عجيب

ربنا فاتحلك كل الأبواب

خد الخطوة الأولى وابدأ ونضف نفسك من وحل الذنوب
وابدا عيشة تانية احلى وارقى بفكر تاني وهدف تانى واحساس تانى
ارقى واحلى وامتع اقطع كل خطوط وطرق المعاصى
ازاى اقطع كل خطوط ابليس
امسح نمر البنات قومى اشترى حجاب ولبس يرضى ربنا اتوضى وصلى
اى ذنب بتعملة ابعد عنه وادعى ربنا يتوب عليك منه
الامور هتبقى صعبة معاك ف الوقت دا بس قاوم الحاجة اللى متقلاك
ومسكاك (ذنوبك ووسوسة الشطان)
بس هى خطوة واحدة هتاخدها ناحية ربنا
وبعدها ربنا هياخد باقى الخطوات ناحيتك
فيه حديث قدسى ربنا بيقول فيه
[من تقرب مني شبراً تقربت إليه ذراعاً، ومن تقرب إلي ذراعا تقربت إليه باعاً،ومن أتاني يمشي أتيته هرولة]
شوف اد اية رحمة ربنا بينا .. بس الفرق هنا انك انت اللى تاخد الخطوة الأولى بالفعل زى ما شرحنا

الحياة مع ربنا هى الصح وهى الممتعة بجد

> > بس مشكلتنا ان متعلمناش ازاى نعيشها متعلمناش ازاى نوصل لمتعتها <<
.
.
.

(خد التفسير الغامض دا كمان اللى بيفسرلنا حاجات كتير اوى)

احنا حتى لو صلينا مش بنحس بمتعة الصلاة

لو قرينا قران مش بنحس بمتعة قراءة القران .. وهكذا مش بنحس بمتعة الطاعات

فبتصبح عمل متعب + بدون متعه

لكن لما بنعمل المعاصى بنحس بلزتها ومتعتها (المزيفة )

فبتصبح عمل سهل (او صعب) + متعة

ودى غريزة فى الانسان انة يميل

للمتعة انه يمتع نفسة وجسدة ودا شئ طبيعيى عن البشر

السر هنا

اننا لية مش بنحس بمتعة الطاعات وازاى نحس بمعتها فنعملها ونعيش المتعة بجد

ونحس ان الشيطان بيضحك علينا ويزين لنا المعاصى على انها متعة فنبعد عنها ونتقى عذاب ربنا فى الدنيا والاخرة

اللهم اعنا على ذكرك وشكرك وحسن عبادتك
بارك الله فيك
تسلم ايدك موضوع رااائع ياحبيبتى

من طرف كيتي فيونكة الأربعاء نوفمبر 03, 2010 9:26 am

الموضوع بتاع حضرتك ياطنط نورا ده موضوع جميل جدا وياريت كل البنات تقرأه علشان
تفهم احنا ليه عايشين أصلا علشان نعبد ربنا بس ونشكرة على نعمه علينا
ربنا يخليكى لينا ياطنط نورا وتزيدينا من علمك وايمانك يارب

ليه أتوب أصلاً؟

ليه أتوب أصلاً؟

رد: ليه أتوب أصلاً؟

رد: ليه أتوب أصلاً؟