امتى تكون البنت عبيطة ؟؟؟؟ تعالوا اقولكم امتى
+3
سونسن
زهرة الفل
Lost Cat
7 مشترك
صفحة 1 من اصل 1
امتى تكون البنت عبيطة ؟؟؟؟ تعالوا اقولكم امتى
امتى البنت تبقي عبيطـة؟
بعض المواقف التى تقع فيها الفتاة وتستحق بها عن جدارة واستحقاق لقب: عبيطة
ـ حينما تصدق كلام شاب يسرح بها ويفهمها أنه يحبها وخاصة إن كان زميلها فى الكلية، فى حين أن كل شاب يأبى أن يرتبط
جديا بفتاة أخذ منها معظم ما يريد.. فتصدق حتى من يقول لها: أنا بحبك ياانشراح وبعد أربع سنين لما أتخرج حاشتغل وأحوش
وأعمل مشروع وآجى لباباكي أخطبك وأنا إيدى مليانة المهم دلوقتى تعالى نروح الجنينة اللى تحت الكوبرى
ـ حينما تفتح قلبها لأى امرأة لا تعرفها وتحكى لها أدق تفاصيل حياتها من أول مرة تلقاها فيها.. فتجد نفسك فى مترو الأنفاق
ممكن تسمع هذا الحوار بين امرأتين لقيا بعضهما لأول مرة منذ خمس دقائق: بقالى خمس سنين متجوزة بس ما خلفتش
وبينى وبينك العيب مش منى ده من جوزى اصل وهو صغير وقع على ضهر
ـ حينما يرتفع صوتها فى الكلام أو الضحك أمام الناس : فمن الممكن أن تكون جالساً فى مكان فتسمع صوتاً تحسبه سارينة
الحريق فإذا بك تفاجئ أنه صوت امراة تضحك
ـ حينما تلبس ملابس غير محتشمة ليس على سبيل قلة الأدب ولكن على سبيل الحمق والتقليد الأعمى.. فقد تجد فتاة
سمينة جداً ترتدى بنطالاً من الجينز الشديد الضيق مما يجعلها تبدو مثل شوال البطاطس
*******
ـ حينما تضيع عمرها ووقتها فى ما لا يفيد كالكلام فى التليفون أو المكوث بالساعات أمام التليفزيون أو الكلام فى الهاتف أو
بتضييع الساعات أمام المحلات والفاترينات لأجل أن تشترى توكة بربع جنيه
ـ حينما تعطى أذنها لكل من هب ودب حتى لبائعة الجرجير
ـ حينما تكون شخصيتها ضعيفة تترك قيادها لأى إنسان طيب أو شرير
ـ حينما تكون خفيفة غير متزنة تضحك لأتفه الأمور وترقع بالصوت لأنها رأت خصلة من شعرها على السجادة ثم تقول بعد أن
تهدأ: أصل بحسبها صرصار
*******
ـ حينما تترك الجهل يعشش فى خلايا مخها ولا تحاول تثقيف نفسها لا دينياً ولا دنيوياً فهى لا تعرف أى شيء فى أى شيء
ـ حينما يكون أكبر همها هو الزينة واللباس
ـ حينما تترك نفسها للشيطان وتتزوج عرفياً فتضيع نفسها وتحطم أهلها
ـ حينما تسرح على المنتديات وتقضى فراغها بالدخول فى المواقع التى تخاطب فيها شباباً من باب تضييع الوقت ثم يحدث ما لا
يحمد عقباه
ـ حينما تطلب من عريسها ما ليس فى وسعه وتكلفه فوق طاقته: كيتشين ماشين – غسالة أطباق – نجف – ستاير– خلاط
مستر براون – دباديب كتير – ميكروويف– ديب فريزر - كورن فيليكس – شيش طاووك!!.. وممكن يكون فى بيت أبوها
معندهومش بوتاجاز أصلاً
*******
ـ حينما تعتبر نفسها ندّاً لزوجها وأن رأسها برأسه وأننا نعيش فى عصر المساواة وحرية المرأة إلى آخر هذا الكلام فتقول له:
أنا سمعت امبارح فى البيت بيتك إن أنا زيي زيك وأنك مش أحسن منى، ومن هنا ورايح أنا حاغسل المواعين يوم وإنت
تغسلها يوم
ـ حينما تنقلب حياتها رأساً على عقب لما ترى حلماً عبيطاً لأنها تظن أنها شفافة وأحلامها دائمة التحقيق فتقول لزوجها مثلاً: أنا
حلمت إنك بتخونى مع الشغالة لازم تطلقني، مع إنهم معندهومش شغالة أصلاً
ـ حينما تؤكد أن كل صداع يصيبها أو دوخة ما هى إلا عمل وجن ولبس وسحر فتجبر زوجها على أن يذهب بها إلى الشيخة
سمحانة أو الشيخ الزغربانى او الشيخ عطعوط اللى سره باتع
ـ حينما تقيم الدنيا ولا تقعدها إذا تأخر حملها أسبوعاً كاملاً بعد زواجها.. بكاء – هيستريا - تحاليل + أشعة + دكاترة + ... إلخ
*******
ـ حينما تحكى كل شيء عن بيتها لأمها وأختها وصديقتها: بخيل وجلدة ومش راضى يشتريلى فستان بمناسبة عيد العمال
ـ حينما تصاب بالغيرة العمياء وتشكك فى كل قول وفعل لزوجها: طلقنى.. أنا شوفتك بعنيى بتتكلم مع الولية بتاعة العيش
وبتضحكلها ليه، مع أنها امرأة عمياء كسيحة تجاوزت الثمانين
ـ حينما تتبسط لدى أقاربها الرجال من غير المحارم.. إبن خالة ماما – إبن عمى – إبن خالتى – جارنا القديم – زميلى لما كنا
فى الجامعة.. متبقاش معقد كدة خليك لارج
ـ حينما تهمل فى أولادها لصالح عملها.. لازم اثبت ذاتى فى الشغل
ـ حينما تصاب بداء التطير والخوف من الحسد إلى درجة المرض فتقول: القطة السودة عدت من قدام باب الشقة يبقى نهارنا
إسود مفيش خروج النهاردة
ـ حينما يكون من سيغنى فى فرحها أهم عندها من العريس نفسه، لازم تجيبلى المطرب العاطفى (نبيل عضمة) يا إما كده يا
إما مفيش جواز، الواحدة متتجوزش أحسن ما يتعمل لها فرح أى كلام
*******
وأخيراً..
ـ حينما تكد وتتعب فى عملها ثم تعطى ما قبضته للحضانة والمربية
ـ حينما تتزين خارج بيتها وتتعفن داخله
ـ حينما ترفع صوتها على زوجها وتغضبه
ـ حينما تتوقف عن تطوير نفسها وتتحجج بانشغالها بالأولاد
ـ حينما تجعل البيت سيركا ولا توفر لزوجها سبل الراحة فيه
ـ حينما تكون مسرفة مبذرة
ـ حينما تقارن نفسها بالأغنى منها مالاً لا بالأتقى والأعلم والأكثر تدينا وخلقا
وأتمنى يكون الموضوع عجبكم وأتمنى لكل بنت انها ابدا متكونش عبيطة
تقبلوا تحياتي
اختكم Lost Cat
زهرة الفل- المديرة التنفيذية
- عدد المساهمات : 1038
نقاط : 6905
تاريخ التسجيل : 26/07/2010
رد: امتى تكون البنت عبيطة ؟؟؟؟ تعالوا اقولكم امتى
هههههههههههههههههههههه
بجد بجد تحفة وخصوصا ً الللى جوزها مابيخلفش اصلة وقع على ضهرة وهو صغير
هههههههههههههههههههههههههه
حلمت انك بتخونى مع الشغالة .......الخ
عسل
هههههههههه
جزاكى الله كل خير
بجد بجد تحفة وخصوصا ً الللى جوزها مابيخلفش اصلة وقع على ضهرة وهو صغير
هههههههههههههههههههههههههه
حلمت انك بتخونى مع الشغالة .......الخ
عسل
هههههههههه
جزاكى الله كل خير
سونسن- المشرفة العامة
- عدد المساهمات : 1122
نقاط : 6859
تاريخ التسجيل : 28/07/2010
رد: امتى تكون البنت عبيطة ؟؟؟؟ تعالوا اقولكم امتى
ههههههههه
ربنا يهدي بنات المسلمين
ربنا يهدي بنات المسلمين
كيتي فيونكة- Admin
- عدد المساهمات : 261
نقاط : 5411
تاريخ التسجيل : 26/07/2010
العمر : 37
المزاج : نحمد الله
رد: امتى تكون البنت عبيطة ؟؟؟؟ تعالوا اقولكم امتى
هههههههههههههههههههههه عندك حق فى كل اللى قلتيه
وربنا يهدى البنات كلها
وتسلم ايدك ياقمر
وربنا يهدى البنات كلها
وتسلم ايدك ياقمر
موحه86- عضوة فضية
- عدد المساهمات : 273
نقاط : 5319
تاريخ التسجيل : 01/08/2010
العمر : 37
رد: امتى تكون البنت عبيطة ؟؟؟؟ تعالوا اقولكم امتى
هههههههههههههههههههههههه
تحفه تسلم ايديكي يا lost cat
تحفه تسلم ايديكي يا lost cat
ايمي هانم- عضوة فعالة
- عدد المساهمات : 80
نقاط : 5082
تاريخ التسجيل : 31/08/2010
رد: امتى تكون البنت عبيطة ؟؟؟؟ تعالوا اقولكم امتى
تسلمى ياإيمى ياسكرة بارك الله فيكى ياحبيبتى وحفظكى ورعاكى
الهانم- مديرة الموقع
- عدد المساهمات : 2432
نقاط : 8213
تاريخ التسجيل : 26/07/2010
مواضيع مماثلة
» امتى اعرف الجنين نوعه ايه؟
» برايكم مين اخطر علي البنت الجوال او النت
» يلا يا هوانم تعالوا قولولنا بتقعدوا ازاي ؟؟ شخصيتك من طريقة جلوسك ...
» تعالوا ندعى لهم بالرحمة والمغفرة
» تعالوا اوعوا تفوتوها بجد هتموتوا من الضحك
» برايكم مين اخطر علي البنت الجوال او النت
» يلا يا هوانم تعالوا قولولنا بتقعدوا ازاي ؟؟ شخصيتك من طريقة جلوسك ...
» تعالوا ندعى لهم بالرحمة والمغفرة
» تعالوا اوعوا تفوتوها بجد هتموتوا من الضحك
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى