انا عضوة جديدة ياريت تقبلونى معاكم

انا ايمى هانم ..............انا عضوة جديدة ياترى هتقبلونى ولا لأ

على فكرة انتو تعرفونى

حزرو فزرو انا مين

أهلا وسهلا ياإيمى هانم نورتينا بس أنا عاوزة أعرف مين اللى تعرفنا واحنا مانعرفهاش
وانضمت لأسرتنا الصغيرة الحبوبة ياترى مين ؟؟؟؟؟

اولا اهلا وسهلا بيكى ياقمر
ونورتينا فى منتدانا الصغير
بس ياترى مين
ياريت تقولى لنا علشان نعرف نرحب ونقوم بااحلى واجب

اهلا وسهلا بيكى نورتى منتداكى ياقمر انتى مين بقى ياجميل ياحلو انتا

نورتى ياقمر

انا بقي بنت سونسن
ام اياد و اسر
ههههههههههههههه
ايه رايكم ؟
من ساعة ماما ما قالت لى على المنتدى وانا مشتاقة انضم ليكم قوى لكن الاطفال واخدين وقتى كلة واخيرا قررت الانضمام وسوف احاول الاستفادة من منتداكم الرائع
واحاول اضافة ما استطيع من مواضيع مفيدة
الف مبارك على المنتدى الجميل وشكرا ً لحضرتك يا طنط نوسة وميرسى لطنط اميرة
و لطنط برنسيسة ووروبى وطبعا ماما عرفتنى ان روبى صغيرة من سنى تقريبا وعلشان كدة مش هقولها يا طنط ههههههههههه
شكرا لترحيبكم بى الف شكر

أهلا وسهلا بيكى ياإيمى السكرة وياريت نبقى أصحاب أعرفك بنفسى أنا اسمى
ريهان والشهرة روبي وعايشة مع زوجى فى الكويت وعندى ولد محمود 3 سنين
ربنا يخليهولى يارب ويحفظه وعندى 35 سنة وآدى ياستى كل المعلومات عرفينى
على نفسك ياإيمى ياقمر وياريت نكون أصحاب واخوات فى الله
وعلى فكرة أنا معجبة جدا بطنط سونسن د ى سكرة قوى وموضوعاتها ممتازة
ربنا يبارك فيها وترجع لنا بالسلامة يارب

ايمى حبيبى صباح الفل ازيك اية المفجأة الحلوة دى نورتى ياقمر واهلا بيكى وكل سنة وانت بالف خير والاولاد عاملين اية ربنا يبارك فيكى يارب وسلامى لسونسن كتير ومعتز

مش معقولة المفاجأة الحلوة دى يايمنى ياسكرة دا انتى نورتينا خالص ياحبيبة قلبى
وشرفتى المنتدى كله أنا سعيدة جدا بوجودك معانا يابنت الحبيبة ياقمر نورتينا فعلا
مفاجأة جميلة قوى طمنينا عليكى دايما ياحبيبتى وعلى ماما الأمورة ربنا يجيبهــــا
لنا بالسلامة يارب

طنط نوسه وطنط ناني وطنط اميره وروبي ميرسي قوي علي الترحيب الجميل ده واسفه جدا اني اتاخرت قوي ف الرد عليكم بس انا كتبت الرساله الاولي قبل سفر ماما بيوم وبعدين اتشغلت معاها وروحت بعدها علي طول وانا ف البيت مبعرفش ادخل نت من الاولاد
واول مره ادخل نت من ساعتها معلش اعذروني وربنا يرجع ماما بالسلامه هي حبيبتي اللي كانت بتشيل الاولاد وتلاعبهم وانا ادخل ع النت براحتي يا رب تيجي بالسلامه يا رب

روبي حبيبتي انا يشرفني نكون اصحاب وماما بتحبك قوي علي فكره وانتي كلك ذوق والله
انا يا ستي عندي اياد وبنقوله يا ديدو وعنده 3 سنين وده خطيب طنط ناني علي فكره ههههههههههههههه
وآسر عنده سنه وشهرين وده مشروع زعيم عصلبه كبير هههههههههههههه لانه بيتعلم علي ايد الاستاذ ديدو الشقاوه والاجرام
علي فكره انا خريخه لغات وترجمه الماني اشتغلت فتره مترجمه وشويه مدرسه وحاليا بيبي سيتر عند ديدو وآسر

ازيك ياايمى وحشانى قوى كل سنة وانت بالف خير يارب سلامى لسونسن كتير قوى وعمرة مقبولة انشاء اللة لماما وعقبالنا امين

نورتينا يا ايمى وطبعا المنتدى ده بيتك التانى