الحلول الذكية لمشاكل المطبخ

الحلول الذكية لمشاكل المطبخ اليومية


عروستى الجميلة أنتى اليوم فى عشك السعيد , فى مطبخك العامر ونسأل الله أن تكون دائما تجاربك ناجحة وشهية ولكن؟؟؟؟؟؟؟ قد تواجهك بعض المطبات الطارئة (لاقدر الله)ولكنى أقدم لكى بعض الخبرات والنصائح والحلول الذكية لمشاكل المطبخ اليومية .
وشاط الأرز :
اذا ملأت أنفك رائحة الشياط فلا تنزعجى املئى اناء أكبرمن حلة الارز بالماء واغمريها فيه ثم افتحى غطائها ليخرج البخار المعبأ بهذه الرائحة وستدهشك النتيجة .
البيض الفضى :
اذا وجدتى أى شرخ فى قشرة البيضة قبل سلقها لفيها فى ورق الالومنيوم حتى لاتنفجر فى الماء ويتشوة منظرها .
تورتة سابقا :
كنتى تتمنى اعداد تورتة ولكن الكيكة هبطت منك ماذا تفعلين ؟
لاتقلقى وكونى ذكية فى التعامل معها انتظرى حتى تبرد الكيكة تماما ثم فتتيها بالاصابع واضيفى اليها بعض الكاكاو وبعض الشربات أو العسل وتشكليها على هيئة كرات ثم تدحرج فى جوز الهند والشيكولاتة الفورماسيلى وتقدم .
جبنة بيتى :
اذا اكتشفتى أن اللبن قطع لاتتخلصى منه ولكن ضعيه فى مصفاه حتى الصباح ليصفى الماء منه ثم اضيفى اليه الملح القليل ويؤكل كجبنة مع الخيار والطماطم .
الفويل صديقك :
اذا نضج وجة الصينية ومازال القاع نيئا ( فى أى أنواع المأكولات) ببساطة غطى الصينية بالفويل حتى لايواصل السطح احمرارة ويحمر وينضح القاع فقط ..
وهذه مجموعة من النصائح الكثيرة لمطبخك عروستى الجميلة وفى حال كانت مفيدة لكى يرجى ابداء الرأى فيها ليكون لكى المزيد والمزيد من النصائح الهامة لكل مطبخ .

--------------------------------------------------------------------------------



فكرة رائعة للورق الفويل


بعد ما اخلص تنظيف المطبخ وامسح فوق الثلاجه وفوق الدواليب كل اسبوع
واسبوع بعد اسبوع كنت اتعب من تراكم الغبار فوق الارفف والاماكن العاليه فوق دواليب المطبخ
استخدمت الفويل لتغطية هذه الاماكن وفعلا ارتحت صرت انظف الاماكن العاليه اسبوعين مره وحده
ازيل الفويل المغبر والي عالقه عليه تراكمات الدهون واحط فويل جديد وافتكيت من الدعك ورش الصابون
المفاجأه بأستخدامي الفويل على الاماكن المرتفعه اني لاحظت ان مطبخي صار فيه اضاءه اضافيه
بسبب انعكاس ضوء الانوار بالقصدير وبجد صار المكان منور حتى بالنهار

لنظافة الموكيت او السجاد وريحة حلوة وتعقيم




اضيفي كربونات الصوديوم واخلطي فانيلا معها ورشي الموكيت وبعد دقائق اكنسي بالمكنسة الكهرباء
أو حتى بالمكنسة العادية وتمتعي بالنظافه والتعقيم والريحه المنعشة

قبل ما تنشري الغسيل اقلبيه على وجهه
ولما تيجي تطبيقه افردي كله حته بتطبيقها بإيدك زي ما تكوني بتكويه بإيدك
وبكده مش هايكون هايش ومش هايخد مكان في الدولاب

لوعايزة تشيلي بقعة كاكاو
ودي مابتطلعش بسهولة
او بقعة دم من على الملابس

اغسليها مباشرة لما تتبقع بصابون الايدين هتلاقيها طلعت بسهولة جدا


وماتنسوش تدعولى يابناتى

--------------------------------------------------------------------------------



طريقة سهلة جدا لتنطيف فرن البوتجاز




شغلي الفرن مدة 10 دقايق عشان يسخن كويس جدا

وبعدين هاتي حلة وامليها ماء ساخن وضيفي عليه نصف كوب من سائل غسيل الاطباق وربع كوب بيكربونات الصوديوم ( الكربونات ) وكوب خل ودخلي الحلة في الفرن وهوشغال واتركيه ربع ساعة

وبعدين اطفي الفرن ولا تفتحيه واتركيه ساعة

السخونة وبخار الماء الحار والمفعول القوي للكربونات في اذابة الدهون وبقايا الطعام المحترق سوف يتفاعلو جيدا

لما تفتحي الفرن بسهولة جدا هاتي اسبونج المواعين وامسحي الفرن وشوفي كم الاشياء المحترقة الي هاتطلع

وكدة الحمد لله عقمنا الفرن من الفطريات الي بتنمو فيه من بقايا الطعام الي بيبقى فيه

واعملي بقى الحكاية دي بصورة متكررة وساعتها وداعا للدهون وكل الاشياء الي كانت بتضايقك في الفرن قبل كدة

واهلا بالبريق والنظافة والتعقيم

--------------------------------------------------------------------------------



انتي نضيفة واكيد عارفة ان الملايكة بتحب المكان النضيف عشان كدة الفكرة عن

سلة المهملات

مهم اوي انك تخلي في كل اودة عندك في البيت واحدة وتعودي الاولاد عندك من صغرهم ان مافيش اي حاجة تترمي على الارض كله في السلة


عشان تحافظي على نظافة وتعقيم السلة رشي فيها ملعقة كربونات وبعدين ركبي فيها الكيس الي هاتجمعي فيه الفضلات

عشان تسهلي على نفسك وتفضل السلة دي نضيفة حطي فيها اكتر من كيس تحت بعض بحيث انك تشيلي الي اتجمعت فيه الفضلات وتلاقي واحد تحته بدون بقى ما تتعبي وتحطي واحد جديد

خلى السلة الي في اودة الضيوف تكون مميزة وشيك يعني تحفة في ذاتها بانك تستخدمي عليها خيوط دهبية وتثبتيها بمسدس الشمع هاتكون عنوان جميل للنظافة والشياكة

سلة الفضلات الي في المطبخ مهم جدا انها ما تبات في البيت عشان ما تتجمعش عليها الحشرات لا قدر الله واذا اضطريتي انك تخليها للصبح يبقى لازم تقفليها كويس جدا عشان كمان ما تعمل ريحة ولازم تترمي في اقرب وقت ممكن



ونتقابل على خير مع نصائح جميلة ذكية لكى حبيبتى وعاوزة رأيكم !!

ما شاء الله نصائح غاليه وجديدة عليا ........صحيح الانسان يعيش ويتعلم

مش بس البنات الصغيرين اللى هيستفيدوا والعواجيز كمان

جزاكى الله كل خير وجعلة فى ميزان حسناتك يارب

معلومات جميلة وفيها كتير جديد وخصوصا موضوع الفويل اللى فوق الارفف هجربة غدا ان شاء اللة
تسلمى وتسلم افكارك الجامده

سونسن كتب:ما شاء الله نصائح غاليه وجديدة عليا ........صحيح الانسان يعيش ويتعلم

مش بس البنات الصغيرين اللى هيستفيدوا والعواجيز كمان

جزاكى الله كل خير وجعلة فى ميزان حسناتك يارب

ياحبيبتى ساسونسن ربنا يخليكى طبعا الانسان مهما عاش بيتعلم لان ربنا سبحانة وتعالى قال وفوق كل ذى علم عليم
تسلمى ياسكرة[font=Arial Black][/font]

البرنسيسة كتب:افكار هايله ياقمر
تسلم ايدك بجد
ربنا يبارك فيكى يارب

ياحبيبتى يا

ياحبيبتى يابرنسيسة المنتدى السكرة ربنا مايحرمنيش من تواجدك يارب

ما شاء الله ياست الكل على النصايح الحلوة
ربنا يخليكى ليناوعلى طول كدة تنصحينا

وفعلا الواحد استفاد ربنا يبارك فيكى