منتديات الهوانم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رباعيات أحمد

3 مشترك

اذهب الى الأسفل

رباعيات أحمد  Empty رباعيات أحمد

مُساهمة من طرف سونسن الخميس سبتمبر 16, 2010 2:03 am

دى جزء من رباعيات لقيت أحمد ابنى كاتبها قلت انقلها لكم إية رأيكم؟؟؟ دام فضلكم
مصر العلم
يا مصر انتى العلم ........والاصل الوانــــة
احمـــر دا دم شبابك.... والابيض اكفانــــــة
والاسود قلب حقود فى مكانة راح يتحرق
والنسر هو حاميكى بفضل الرب سبحانــــة
ويا بلدى

-----------------------------------------------------
اسم حبيبى
سالونى يوم اسم حبيبى ... ردت عيونى مفرفشة
تانــــى حروف اســـــــــم حبيبــــى ي ومكـشكشة
وباقى حروفة... لو حرمنى منها اموت
واول حروفـــــة تانــــــى حـــــرف فـــــى مشمشة
وآه يانى
------------------------------------------------
الى عشقى مصر
وفيــــــــن بعدك الاقـــــــــــــــــى نسمـــة هــــــــــــــــوا
وبرا ارضك......... عمر مــــا جدرى ارتـــــــــــــوى
جدورى فيكى وفــرعى مهمـــا يمــــــد
هيقول.. اهو اصلى .. مصرى ..ولا عمرة يوم اغتوى
وعجبى
-------------------------------------------------------
الى حبيبى إياد
طليت علينـــــــــا حبيبـــــــــــى بطلــة وداد
وبفضل ربك......... فرحنا اليوم فى إزدياد
إيدت شموع الفرح كنا خلاص نسيناها
صــدق ابوك وامك لمــــا سمــــــــــوك إياد
------------------------------------------------
بطيخة
بطيخة واحـــــــــدة وفيــــها 100 لبــــاية
لباية وحشة ....ولبــــــاية تانية حكـــــاية
وكدة كمـــان.... مثل ابن آدم تمــام
واحد جمــيل الادب... واخوة عديم الربايـة

---------------------------------------------------------
الغربة
جـــــالس فــــى غـرفة وحيــــــد ومقفولة عليــا
وبينــــى وبيــن حبايبـــــى الـف ميـــل وشويــه
اكيد دا معنى الغربة دلوقتى حسيت بيه
مــع ان فـــى كتيــــــــــــــر من البشــر حواليــا
وعجبى
-----------------------------------------------------
النحلة
خلق الالــة الكــــــون وكــــــل شــــــــىء مكتــــوب
نحلة تموت من قرصة وامـــــوت عشــــــان محبوب
لية العــــــذاب وايدينـا فيـــــــــها الـــــــدوا
يا نحلة لا تقرصى .......... ويا قلبى امتى تتوب؟
-----------------------------------------------------
عليا دين
كنــــــــــا تلاتة .... على كل واحــــد ديـن
الاولانـى ريـــال ... والتــانى كـان شلنـين
اما انا ...فدينى.. رد جميـــــل
لصديــــق وفـى وقلب مليـــــــــــان حنيـن
وعجبى
-----------------------------
الحرامى
الحـــــــب فى اولة.... سحر بيخطف قــلوب
إحســــاس جمـيل .... والــــكل فيــــة بيدوب
ييجى الجواز ... ويروح حنين الهـوى
ويبقـــى حرامـــى .... بيفضـى ــبس الجيوب
وعجبى
----------------------------------------------------------
نفسى يحن
نفسـى فـــــى يــوم يرجـع حبيبـى ويحــــــن
خلاص يــا قلـــبى مبقــــاش كمــــان بيــرن
يــا فــى السمــاح يـا إمـا مفيش رصيد
وانــا حنينــى وشوقــى ليــة بيزيـــد
وعجبى

-----------------------------------------------------------
الى امى
لو عشت فــوق عمـــرى كمان تمــانـيـــن
ما هلاقــــــى كيـــــــف قلبـك على حنيـــن
والله فـــى غربتى حسك هنا معايـا
كيـــف الطفل يمشـــى مــا بيــن كفيـــــــن
وعجبى

-------------------------------------------------------------
اعملك اية
اعمــــلك اية لاجل مـــا شـــىء يعجبــك
ولا حب قيس ولا شعـــر عنتر يطربــك
طب ليلـــــى وعبلة كانــــــــــو زى القمـــــر
وانت حبيبـــــى ايش تكــــــــون من البشــــر
وعجبى
----------------------------------------------------------------
مشوار طويل
مشوار طويــــــــــــل ونفســــى فيــــــه اتقطــــــع
واللة مــــــــــــــــــا بدرى ... هكمل ولا هقـــــــع
.....إسعى ما تسعى يا ابن آدم واملى صحيفتك
وبردة مــــــا هتنـــول ..الا الى فيهــــا اتوضـــــع
وعجبى
------------------------------------------------------------
يا قلمى
يا قلمـــــى بطـــــــــل شخبـطـــــة واتلــــــــــــــــــم
دا الشعر مالى البلد على القلب زى الهـــــــــــــــــم
...قال سيبنى اقول واحكى على فى قلبى انحبس
انـــــا بردة بنــــــــــى آدم وحبــــــــرى هـــــو الدم
وعجبى
-----------------------------------------------------------
رباعية هجر
قلبـــــــى حزيــــــــــن لما حبيبى هجــــــــــــر
قولت اشتكــــــــــــى للورد ولا الشجــــــــــــر
روحت وشكيت ... وبدمع عينى بكيت
ردو عليا عليا بعجب إزاى تحب حجــــــــــــر
وعجبى
----------------------------------------------------------------------
رباعيات حبيب
ياريت ما كان ولا حتى بينا ســـــلام
ولا كنت شوفت عينيكى فى الاحلام
....ما بيقدر قلبى على آلآم الهوى
كان بدة قلبى يعيش وحيد فى ســلام
وعجبى
سونسن
سونسن
المشرفة العامة
المشرفة العامة

انثى عدد المساهمات : 1122
نقاط : 6830
تاريخ التسجيل : 28/07/2010

الرجوع الى أعلى الصفحة اذهب الى الأسفل

رباعيات أحمد  Empty رد: رباعيات أحمد

مُساهمة من طرف روبي الخميس سبتمبر 16, 2010 3:39 am

رائع والله ياسونسن وكلمات ممتازة تسلم الايادى
رباعيات أحمد  Sdfsdfsdf
روبي
روبي
عضوة ذهبية

انثى عدد المساهمات : 346
نقاط : 5370
تاريخ التسجيل : 18/08/2010

الرجوع الى أعلى الصفحة اذهب الى الأسفل

رباعيات أحمد  Empty رد: رباعيات أحمد

مُساهمة من طرف الهانم الأحد أكتوبر 10, 2010 5:56 am

تسلمى ياسونسن ياحبيبة قلبى بارك الله فيكى وفى ابنك ياقمر
الهانم
الهانم
مديرة الموقع
مديرة الموقع

عدد المساهمات : 2432
نقاط : 8184
تاريخ التسجيل : 26/07/2010

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى