اسهل واسرع والذ كيكة وبنكهات مختلفة

استعرض الموضوع السابق استعرض الموضوع التالي اذهب الى الأسفل

اسهل واسرع والذ كيكة وبنكهات مختلفة

مُساهمة من طرف كيتي فيونكة في الخميس أبريل 28, 2011 11:53 pm

السلام عليكم ورحمة الله وبركاته

ازيكم يا ااحلى هوانم
عندى طريقة بعمل بيها الكيكة ما شاء الله جميلة جدا
سهله وبتطلع الكيكة عالية وخفيفة ولذيذة بجد
ان شاء الله لو جربتوها مش هتعملوا غيرها
احلى ما فيها انها تنفع يطلع منها انواع كتيـــــــــــــــــرة زى ما تحبى
بحط لها اى نكهه انا عيزاها وفى كل مرة بتطلع كيكة جديده


مش هطول عليكم
ندخل على المقادير علطول :

بسم الله

3 بيضات + فانيليا
2 كوب دقيق+ بيكنج بودر
1 كوب زيت ذرة
1 كوب سكر
1 كوب اى حاجه !
( لبن - او اى عصير - او اى حاجه ساقعه - او اى فاكهه مبشورة - او كوب ماء + 4 معالق لبن بودرة + اى نكهه زى القرفة او الكاكاو او القهوة او النسكافيه)
يعنى اى حاجه موجوده عندك سائلة هتديكى نكهه حطيها بمقدار كوب واحد وبس

خلاص خلصنا
ها ؟ فى اسهل من كده ؟

طبعا قبل ما نبدأ فى الخطوات لازم نشغل الفرن
وندهن الصينية زيت ذرة خفيف ونرشها بالدقيق
ولو صينيتك تيفال يبقى مش هتحتاجى تعملى فيها حاجه طبعا

نبدا الخطوات اللى مافيش اسهل منها ان شاء الله :

انا بعمل كله فى الخلاط العادى ولا مضرب بيض ولا حاجه
بحط البيض + الفانيليا ... واضرب
والسكر ... واضرب
والزيت ... واضرب
وكوب السائل ( اللى هو اى حاجه عندك )... واضرب
والدقيق + البيكنج بودر... آخر حاجه ... واضرب

بس كده خلاص الكيكة خلصت !!!!
خدوا بالكم ... انا مش بضرب كتير فى كل خطوة ... لالالالالا
مجرد بس ضربة خفيفة ضربتين .. يعنى ثوانى مش اكثر
لحد ما احس ان المكونات ذابت فى بعضها وامتزجت كويس وخلاص

ما شاء الله مش بتاخد معايا اكثر من 10 دقائق وتكون فى الفرن
يعنى لو عندك ضيوف ومستعجلة وفكرتى تعملى حاجه حلوة وتشرفك
مش هتلاقى اسهل ولا اجمل منها باذن الله
ميزتها انها غلبانه وتقبل اى حاجه عندك ومش هتقول لا
وسريعه جدا ما شاء الله ولا ضرب ولا عجن ولا كلام من ده
ونتيجتها ان شاء الله هتسعدك وهتحسى انها اخف واجمل كيكة عملتيها

ياريت تجربوها وتقولوا لى ايه رأيكم ؟
بس اوعوا تنسونى من دعائكم

_________________
سبحان الله وبحمده سبحان الله العظيم
avatar
كيتي فيونكة
Admin

انثى عدد المساهمات : 261
نقاط : 3029
تاريخ التسجيل : 26/07/2010
العمر : 30
المزاج : نحمد الله

الرجوع الى أعلى الصفحة اذهب الى الأسفل

رد: اسهل واسرع والذ كيكة وبنكهات مختلفة

مُساهمة من طرف نوران77 في الأحد مايو 01, 2011 12:19 pm

تسلم ايدك يا جميل
avatar
نوران77
عضوة مشاركة

انثى عدد المساهمات : 23
نقاط : 2656
تاريخ التسجيل : 16/08/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى